{ ماجد و رنا }

(السلام عليكم ورحمة الله وبركاته)
هذي قصه رنا وماجد وإن شاء الله تعجبكم §§
اول شي اعرفكم على الشخصيات"
رنا بنوته حلوه عمرها 18 سنه
وحيدة بين خمس أخوان يعني على بلاطه مدلله مرره ورافعه ضغط اخوانها من الغيره
اخوانها :
فهد 25 سنه
فيصل 23 سنه
حسن20 سنه
طلال 14 سنه
عبد المحسن5 سنين
اما صديقه رنا اسمها خلود
المهم فهد وفيصل وحسن عاطلين ماعندهم غير التسدح بالبيت اما التلفزيون والا البلستيشن والا كافخ ومكفوخ
طلال بالمتوسط وعبد المحسن ماعنده الا الصياح والتسهد اخر الليل .
في يوم من الأيام والعايله الكريمه متبطحه من الكبسه اللي ماليه الزواحين دق تلفون البيت وراحت رنا داعسه بترد منعها اخوها فهد ترد الا على الأرقام اللي تعرفها المهم شافت رقم خويتها خلود وردت
رنا : ألو
ماجد: ألو
رنا :عفوا من معي
(ماجد أخو خلود بس عايش بأمريكا ودوبه جاي وهو وفهد صحبه)
ماجد: أنا ماجد ولد جاركم محمد
رنا : اهلا
ماجد : ممكن اكلم فهد
رنا : طيب لحضه
رنا راحت تنادي فهد وهي ترنح من جمال صوت ماجد
رنا : فهد ماجد ولد جارنا يبغاك فهد : والله!!!
بس ليش تردين يارنا ^التبن^
رنا : والله ضنيتها خلود
فهد : طيب آخر مره فاهمه؟؟
رنا :طيب لاتنافخ
راح فهد ورفع سماعه التليفون
فهد : الو
ماجد : هلا فهد وش لونك؟؟ المهم سولفوا لين طاحت اللي بروسهم
ماجد : اقول فهد ترى فيه تسجيل بالجيش بجده
فهد : احلف!!
ماجد : بس لازم تكون هناك الإسبوع الجاي^
فهد : لو بأمريكا بس افتك من شحدت فلوس البنزين من أمي
ماجد : يالله ماطول عليك بس تبي شي؟؟
فهد لا بس درجها (بدو مايجاملون)
فهد راح لأبوه عيط يفحط المهم قال له الموضوع وافق ابوه
جلسو اخوانه ينقون يبه حتا حنا بنروح جده
الأب : خلاص نروح مع فهد ونتمشى
المهم البيت قام وقعد على هالروحه ورنا ماتدري وين الله حاطها
ويوم طلعت من غرفتها لقت البيت حايس كراتين شناط طايحه واكياس ملابس مشققها عبد المحسن ومسوي فيها ثوب المهم استفسرت الدجاجه رنا عن الموضوع راحت تعدي لابوها ماحد يسمع غير صوت رجلنيها دبك دبك دبك
ألاب : خير بنيتي وش فيك
رنا : يبه اجلو الروحه
ألأب : ليش
رنا : دورت الحاسب تبدأ الأسبوع الجاي
ألأب : قولي لأخوك
وراحت المجنونه مصفيه الطبلون تمشي ميتين
رنا : فهد حبيبي
فهد : الزبده!!
رنا : اجلو السفر
فهد ينضر لها بطرف عين :اقول طيري^
رنا : تكفى يافهد
فهد : اقول طسي ترى مزاجي رايق
رنا : والله حرام
وراحت رنا تفكر وتفكر وتفكر ومافيه حل الا انها تبقى بالبيت
المهم جا اليوم الموعود وكلهم بيروحون حتى الأم بتروح
ألاب : رنا انتبهي لنفسك كلها اسبوع وراجعين@
فهد : يااووويلك تردين على التليفون او تكلمين احد
رنا : انشاء الله
وجلست رنا بالبيت
مر اليوم الأول والثاني والثالث وهي ماأخلفت قوانين فهد
وكانت خلود كل يوم تزورها
عشان تطمن عليها
رنا : الله خلود ساعتك مره حلوه
رنا : الله من وين شريتيها؟؟
خلود : هذي اخوي ماجد جابها لي من امريكا ماتغلى عليك حبيبتي خذيها@
خلود : لا وتولع بالضلام بعد
رنا : لا هالنوعيه ماتولع بالضلام
خلود : يالله طفي النور @
رنا : يابكاشه تدرين أخاف من الضلام!
خلود : صدقي والا صكي راسك بالجدر@
وفي اليوم الرابع حست بصوت حجر يضرب الشباك وراحت مسويه قويه تحسب وراعين الشارع وفكت الشباك بقوه@@
لقت اللي يرمي ولد يجنن رنا فقت فمها على كبره من الهوله بوسامة ماجد
رنا : من انت؟؟
ماجد : أنا ماجد@
ماقدرت تتكلم من شدت جماله المهم سمعت صوت الرعد وصحت
وبسرعه سكرت الشباك وجلس ماجد تحت المطر يضرب شباكه ا بالحجر المهم انها مافكت له وعصب ماجد لأنه متعود على بنات امريكا يكلمون كل من هب ودب
رجع للبيت وكتب رساله
(رنا اذا مارديتي على التيليفون وكلمتيني راح اقول لفهد أختك كلمتني مع الشباك) ودخلها من تحت الباب
أخذتها رنا وقرتها
المسكينه راحت تركض للتيليفون ورد ت
رنا : ياولد الناس وش تبي مني؟؟
ماجد : انتي البنت الوحيده اللي صدتني وماراح تغلبيني وجلسو يتناقشون ثلاث ساعات
رنا : خلاص انت مصختها فارقني
ماجد : طيب ياقمر ترا المكالمه مسجله
رنا : حرام عليك
ماجد : بكره بجي آخذك من البيت ونروح المطعم اذا ماجيتي كل شي بيوصل لفهد
رنا : تكفى اتركني بحالي
ماجد : بكره الساعه سته بالمغرب
وقفل الخط بوجهها
وجلست رنا المسكينه طول الليل تفكر خايفه وتبكي ماتدري وش تسوي خايفه من أخوها فهد
قالت لنفسها : خلاص بس قبل اروح اطلب انه يكون آخر شي بيني وبينه
راحت ودقت على ماجد@@@
رنا : ألو
ماجد ماهو مصدق إنها رنا
ماجد : رنا ؟؟؟؟
رنا : راح اطلع معاك بس اوعدني انه اخر شي بيننا@
ماجد : وعد مني
وجا ء المغرب وطلعت عند الباب ولقت ماجد ينتضرها
راحت وركبت معه وراحو للمطعم @
الساعه تسعه طلعو من المطعم بس الغريب ان ماجد سلك طريق غير طريق البيت
قعدت تصارح وتضرب خدها كفوف
ماجد : اهدي يارنا لاتصارخين
رنا : تكفى رجعني
وماجد وقف عند عماره وبالقوه نزلها من السياره
ودخلها البيت وقفل عليهم الباب وراح يسحبها لغرفه النوم وهي تصارخ ولا حياة لمن تنادي ورماها على السرير بقوه وراح يمشي لها وانسدح جنبها واخذ الباطنيه وغطى رنا كلها واتغطى معاها بنفس الباطنيه وصاروا بسواد وضلام ماحد يشوف شي
ودخل يده بجيبه وطلع ساعه خلود قال شفتي انها تولع بالضلام ههها
§وانتهت القصه وانشاء الله§ §تكون عجبتكم§
مع تحيات
§بلسم جرووح§
وانتظرو كتاباتي الجايه
الرجاء اضافه التعليقات اسفل الرساله@@@